Hymn

चाल सखी सतसंग म

webadmin — Tue, 06 Oct 2020 10:45:07 +0000

चाल सखी सतसंग म webadmin Tue, 10/06/2020 - 16:15

एक घड़ी आदी घड़ी तो आदी म पुनयाद।
तुलसी संगत संत की तो कटै करोड़ अपराद॥
कहे मछन्दर नाथ कर सतसंग आत्म बल राखो।
आयो मोको हात सै गयो तो फेर पछताव स्यो॥

चालो सखी ए सतसंगत करिये बिरथा ए जनम गंवावत है री [टेर]

बालपण हंस खेल गमायो
जोबन का अंग सतावत है री चालो सखी ए सतसंगत करिये [1] टेर

बुढापा म सब रोग सतावै
तरसणा की रोध बढ ज्यावत है री चालो सखी ए सतसंगत करिये [2] टेर

पल-पल छिन-छिन उमर घटै है
गयेड़ा बखत नाही आवत है री चालो सखी ए सतसंगत करिये [3] टेर

एसो जनम तो होय मेरी सजनी
फिर ए पिछै पछतावत है री चालो सखी ए सतसंगत करिये [4] टेर

गुरु बिन घोर अंधेरा

webadmin — Tue, 06 Oct 2020 10:43:42 +0000

गुरु बिन घोर अंधेरा webadmin Tue, 10/06/2020 - 16:13

गणपति गोरी पुतर को तो पेल्या लिज्यो नांव।
कस्ट निवारण देव है तो बिपदा को के काम॥
जय सारदा मां जय सरस्वति ओर हंस वाहिनि माय।
सतसंग म मै गाय रह्‍या तो दिज्ये पार लगाय॥

गुरु बिन्या घोर अंधेरा रै साधो भाई गुरु बिन्या घोर अंधेरा रै
जसै मन्दिर है दीपक बिन सुना ना बसतु का बेरा रै [टेर]

पथर कै माही अग्‍नि रै जापै ना पथरी नै बेरा रै
चकमक चोट लगै गुरु गम की आगै फिरै चोफेरा रै [1] टेर

जब तक कन्या रहवै कुंवारी ना बिरतन का बेरा रै
आठ पहर आळस म खोवै खेल रै खेल घनेरा रै [2] टेर

मिरग की नाभ म बसै किसतुरी ना मिरग नै बेरा रै
ब्याकुल होय बन-बन म भटकै सुंघै घास घनेरा रै [3] टेर

नाथ गुलाब मिल्या गुरु पूरा ग्यान दिया बहू फेरा रै
भानीनाथ सरण सतगुरु की जाग्या भाग भलेरा रै [4] टेर

मदवा घूमत जूं हाथी

webadmin — Tue, 06 Oct 2020 10:42:04 +0000

मदवा घूमत जूं हाथी webadmin Tue, 10/06/2020 - 16:12

मन लोभी मन लालची तो मन चंचल मन चोर।
मन कै मतै मत चालिये पलक-पलक म ओर।
मन जाणै मै मेल चढूं मोति पेरू कान।
सांई कै हात कतरनी बो राखै है उरमान॥

मदवा घूमत जूं हाथी अमर पटो मेरै सतगुरु लिख दिया जागी री साची
घूमत हो मतवाला मन तू घूमत जूं हाथी [टेर]

गुरु गमयांचल की मेरै तन म जगै बिरै बाती
सुरत कलाळी प्याला फेरै पीयो सेण साथी [1] टेर

पीवत प्याला जेज नाही उतरै भवत ताल जागी
सोंगै ताल लग्यो घट भीतर सूरत मतमाती [2] टेर

नसा किया जद बकण लाग्या अणबे की बाती
करमत वाल पड़्यो धरणी पै नाही छोड़्या बाकी [3] टेर

उल्टी राह बहे जन सूरा चढ्‍या बंक घाटी
निस दिन गोळा लगै नांव का काळ फोज नाटी [4] टेर

तनसुखराम मिल्या गुरु पूरा मदवाला का भागी
इसरराम नसा नाही उतरै दिवस ओर राती [5] टेर।

समज मन मायला

webadmin — Tue, 06 Oct 2020 10:33:45 +0000

समज मन मायला webadmin Tue, 10/06/2020 - 16:03

कोई तन दुखी तो कोई मन दुखी ओर कोई निरधन भया उदास।
थोड़ा-थोड़ा सबी दुखी तो एक सुखी राम को दास॥

समज मन मायला रै बीरा मेरा मेलोड़ी चादर धोय [ टेर ]

गुरु सा खुदाया कुआ बावड़ी रै बीरा मेरा नीर ए गंगाजळ होय
कई रै संत तो न्हायगा रै बीरा मेरा कई गया मुख धोय [1] टेर

तन चादर नै धोय ले रै बीरा मेरा मनस्यारी साबण होय
सूरत सीला पै दे फटकारो रै बीरै थ्हानै बिन को तांतो होय [2] टेर

रोईड़ो रंग फूटरो ए बीरा मेरा फूल अजब रंग होय
उफो तो दिखणी भोम म रै बीरा मेरा ब्याईनै मिलसै नै कोय [3] टेर

रूखो रै चनण सांवळो रै बीरा मेरा मरहम जाणै नै कोय
काट्‌या तो कंचन होय सी रै बीरा मेरा सहज सुगंदी होय [4] टेर

लिखमै माळी की बिनती रै बीरा मेरा गांम गया गम होय
तिजी तो पेड़ी लांघज्यो रै बीरा मेरा चोथी म तिरणा होय [5] टेर

फकीरी अलबेला रो खेल

webadmin — Tue, 06 Oct 2020 10:31:59 +0000

फकीरी अलबेला रो खेल webadmin Tue, 10/06/2020 - 16:01

परीत नै किज्ये पंछी जेसी जल सुखे उड़ जाय।
परीत किज्ये मछली जेसी जल सुखे मर ज्याय॥

अब रै काय रै सके ना खेल फकीरी रै अलबेला रो खेल [टेर]

अब ज्यूं रण माही लड़ै नर सूरा ईणिया झुक रही सेल
गोळी तो नार जुझरबा चालै सतमुख लेवै झेल [1] टेर

अब सति पति संग निसरी रै अपणै पिय कै गेल
सूरत लगी बा पति चरणा म अगम कया का मेल [2] टेर

अलड़ पांख जूं उल्टा रै चालै बांस भरत नट खेल
म्हे रूत की सर छेत गत बंका चढगी या गमकै मेल [3] टेर

अब दोय रै एक रहवै ना रै दूजा आप-आप रो खेल
कह सामत कोई अकल पिछाणै लीनी गरीबी झेल [4] टेर।

जोगिया रै

webadmin — Tue, 06 Oct 2020 10:25:48 +0000

जोगिया रै webadmin Tue, 10/06/2020 - 15:55

हरि बाचक बिरम की हाट मंडी है जिन हाट म हार है लाख सोदाई।
गये थोड़ो ब्याज तो लेवण मुळजा को पाछो नै आई।
अरि मूळ ठगाय गये एक कानत असी बाचक बिरम हटाई।
इन हाट की खाट म आवो मति बिरम देखो तो देखो घट मांई॥

अगम की नींद म रे…… जोगिया रै
बिरला ही मोज उडाय ……हे [टेर]

सोयाय सगंत नींद म रै…… जोगिया रै…
कोण जगावण जाय… हे [1] टेर

कोई री ताकत ना पड़ै रै…… जोगिया रै…
ताही सकै रै जगाय… हे [2] टेर

जागै तो सोवै नाही रै…… जोगिया रै…
सोवै तो जागै रै नाय…हे [3] टेर

सोवण जागण स्यूं परै रै…… जोगिया रै…
सोणी जजोग मिलाय…हे [4] टेर

सवपन नै सुखोपत जागरत नाही रै…… जोगिया रै…
तुरिया म सहज समाय…हे [5] टेर

बेखटकै री नींद म रै…… जोगिया रै…
सोया पाछै डर नाय…हे [6] टेर

देवनाथ गुरु देव है रै…… जोगिया रै…
हात पकड़ ले ज्याय …हे [7] टेर

मान गुरु सिस्य एक है रै…… जोगिया रै…
बाणबी बिलास थक ज्याय…हे [8] टेर

सतगुरु एसा किज्ये

webadmin — Tue, 06 Oct 2020 10:24:32 +0000

सतगुरु एसा किज्ये webadmin Tue, 10/06/2020 - 15:54

सूंडाला दुख भंजला तो सद जवाला भेस।
सै सूं पेल्या सुमरिये तो गोरी के पुतर गणेस॥
पेल्यां किस नै मनाईये तो किस का लिज्ये नांव।
मात-पिता गुरु आपणा तो भज अलख परुस का नांव॥

मनवा सतगुरु एसा किज्ये रै लिज्ये भली रै बुरी पहचान
भली रै बुरी पहचान लिज्ये भली रै बुरी पहचान [टेर]

भव सागर की भुल भुलया म भटक रह्‍यो अनजान
सतगुरु सांची राह दिखासी देसी रै अमरीत ग्यान [1] टेर

गुरु संग देव नाही कोई दूजा गुरु बिन मिलै नै ग्यान
गुरु गोविन्द को दरस करादे नाही कोई गुरु समान [2] टेर

गुरु पद पंकज पावन रज सै उठै मोह अग्यान
राम अवतार सरण सतगुरु की करै जीवन कल्याण [3] टेर।

बरहम ग्यान को लटको

webadmin — Tue, 06 Oct 2020 10:23:06 +0000

बरहम ग्यान को लटको webadmin Tue, 10/06/2020 - 15:53

अब कोण जगावै बरहम को ओर कोण जगावै जीव।
कोण जगावै सूरत को तो कोण मिलावै परीत।
बिरह जगावै बरहम को ओर बरहम जगावै जीव।
जीव जगावै सूरत को तो सूरत मिलावै परीत॥

आवागमन का सांसा रै मिटज्या आवागमन का सांसा मिटज्या
मिटै भहम को खटको सुणाऊ थ्हानै बरहम ग्यान को लटको [ टेर ]

पेली धारणा करो सतगुरु की चरणा कै मांई नै लिपटो
मान गुमान थ्हारा छोडो रै मन का अभि रै मान नै पटको [1] टेर

दूजी धारणा करो सतसंग की मिलै ग्यान को गुटको
पाप करम थ्हारा सब धुप ज्यावै फूटै रै पाप को मटको [2] टेर

तीजी धारणा करो रै नांव की चढै भारत पै नटको
असी रै सूरता नांव पै लगावो मिटै रै जमा को झटको [3] टेर

चोथी धारणा चेतन रहज्यो माया नै देख मत अटको
कह जियादास सुणो रै भाई साधो कह सीधो सुरग को सटको [4] टेर।

निन्दरा बेचद्‍यूं

webadmin — Tue, 06 Oct 2020 10:21:27 +0000

निन्दरा बेचद्‍यूं webadmin Tue, 10/06/2020 - 15:51

तपस्या बरस हजार की ओर सतसंग की पल एक।
तो बी बराबर ना तुलै कवि सुखदेव किया विवेक॥
नीन्द निसाणी मोत की ओर उठ कबीरा जाग।
ओर रसायन‌ छोड़ कै तो एक राम रसायन ध्यान॥

निन्दरा बेचद्‍यूं कोई ले तो निन्दरा बेचद्‍यूं कोई ले तो
रामोराम रटै तो तेरो माया जाळ कटैलो [टेर]

अब भाव राख सतसंग म बेठो चित म राखो चेतो
हात जोड़ चरणा म लिपटो जे कोई संत मिलै तो [1] टेर

पाई की मण पांच बेचद्‍यूं जे कोई गराहक हो तो
अरै पांच्या म सूं च्यार छोड़ द्‍यूं रै दाम रोकड़ा दे तो [2] टेर

कै तो जावो राज दूवारै कै रसिया रस भोगी
म्हारो तो लारो छोड़ बावळी म्हे हां रमता जोगी [3] टेर

कहवै भरतरी सुण ए निन्दरा अठे ना तेरा बासा
म्हे तो रे म्हारै गुरु चरणा म राम मिलण की आसा [4] टेर।

सतगुरु कर मेरा भाई

webadmin — Tue, 06 Oct 2020 10:19:40 +0000

सतगुरु कर मेरा भाई webadmin Tue, 10/06/2020 - 15:49

बिघ्‍न हरण मंगल करण ओर होत बुधी परकास।
लेत नांव गणेस को तो हरे करोड़ अपराद॥
बरमा बिसणु लक्समी तो महेस गुणो की खान।
सुरसवत मया मनाय कै मै करू हरि गुणगान॥
बिन्या गुरु बिन्या ना कोई संगी…अंतै समय कै मांई रै मन मेरा सतगुरु कर मेरा भाई [टेर]

जद घणो कस्ट पड़ैगो तेरै रै निरगुण आडो आई
मात-पिता सुत तिरिया रै बान्धू मुंडो रै लेसी छिपाई [1] टेर

धन ओर दोलत महल-माळिया रै सबी धर्या रह ज्याई
जमका दूत पकड़ ले ज्यासी रै जूता खातो जाई [2] टेर

राज तेज की चलै नाही मायती देवांगी चलै बठे नाही
दूर खड़्या गुरुदेव देखिया भाग गया जमराई [3] टेर

गुरु मिलै तो बन्दन छुड़ा दे निरभय कर दे सोई
अचल राम तज सकल आसरो गुरु सरण सुख होई [4] टेर।